बुटवल,साउन २१/बनारसी सारीको बेग्लै महिमा छ भारत प्रदेश र नेपालमा पनि । तर यस्तो लोकप्रिय बनारसी सारी बनाउन परिवार नियोजनको अस्थायी साधन कण्डमको अवैध खपथ भैरहेको खवरले सारी पारखीहरूलाई अचम्ममा पारेको छ । राम्रा बनारसी सारीहरू निर्माणमा सिल्कका साथसाथै कण्डमको पनि प्रयोग गर्नुपर्छ । एउटा बनारसी सारी बनाउन कम्तीमा १४ वटासम्म कण्डम लाग्ने भारतको बनारसमा गरिएको एक सर्वेक्षणले यस्तो देखाएको हो ।
पछिल्लो समय निःशुल्क रूपमा वितरण हुँदै आएको कण्डमको माग बढेपछि त्यसको प्रयोग र असरबारे र्सर्वेक्षण गरिएको थियो । सर्वेक्षणका क्रममा कण्डमको खपथ परिवार नियोजनका लागि नभै बनारसी सारी बनाउन भैरहेको तथ्य सार्वजनिक भएको हो । बनारसी साडी बन्ने क्रममा चर्खामा यसको प्रयोग हुने गरेको छ । कण्डमलाई बीचमा काटेर चर्खामा लगाइन्छ । जसले छिटो छिटो बन्न मद्दत गर्छ । यस्तै बनाइका क्रममा हात काट्ने डरले औंलामा पनि कण्डम लगाउने गरेको पाइएको सर्वेक्षण्मा उल्लेख गरिएको छ ।
प्रति सारी बनाउँदा १४ वटासम्म कण्डमको खपत हुने भएपछि परिवार नियोजनका लागि सित्तैमा कण्डम बाँडिरहेको स्थानीय प्रशासन अलमलमा परेको छ । बाँडौ धमाधम बनारसी सारीमा कण्डमको प्रयोग, नबाडौं गरिब जनताले सन्तान वृद्धि रोक्न साधन नै नपाउने डर ।