User Rating: / 0
PoorBest 

गृह दिनुको परिणाम
केपी कमरेड र माधव कमरेडहरुले धेरै पटक भनेका थिए, माओवादीलाई गृह मन्त्रालय दिनु हुँदैन । त्यसैको स्वरमा स्वर मिलाउँदै मेचीदेखि महाकालीसम्म कमरेडहरु कराउँथे -हुन्न हुन्न हुन्न । मानौं के.पी कमरेड र माधव कमरेडले गीत झिक्थें, अरु कमरेडहरुले भाका छोप्थे । पूर्वदेखि उठेको मानसून पश्चिमतिर फैलन्थ्यो । सबैले हो हो भन्थे । तर जे.एन् कमरेडले घुमाई घुमाई राजनीति खेलेर माओवादीलाई गृहमन्त्रालय दिईछाडे । पार्टीले संस्थागत निर्णय गरेको मर्मा सुक्नै पाएन जे.एन् ले त्यो निर्णय मेरे, केरे । कम्ता रिस उठेको होईन । तर के गर्नु मिजामा टाउको ठोकेर पनि नहुने आफ्नै  कपाल आफैले लुछेर पनि नहुने । हुनु हुनामी भइसक्थ्यो ।
अहिले आएर बल्ल थाहा भयो, के.पी कमरेड र माधव कमरेडको कथन कति सत्य रहेछ । देशमा गुण्डागर्दी बढेको छ । पत्रकार कुटिएको पनि तीन हप्ता भईसक्यो तर माओवादी गृहमन्त्री कृष्णबहादुर महराले गुण्डाहरुलाई पक्ड्नन् । उल्टै गुण्डाहरुले सरकारलाई थर्काउँछन्, लोतीमारा सरकार डरले थुरथुर काम्छ । गृहमन्त्रालय माड खाएर सुतेकै छ । जुन पार्टीलाई गृहमन्त्रालय दिन हुँदैन भनिएको थियो त्यसैलाई दिएपछि भएको परिणाम हो यो । अतः यस देशका सच्चा जनवाददी नेता हुनु भने के.पी कमरेड नै हुन् । त्यस्ता नेताका पछि नलाग्ने र हराउने जनता कुकुरै हुन् ।

< Prev		Next >