भैरहवा,भदौ १९/ नेपाल बित्तिय सस्था कर्मचारी संघ क्षेत्रिय समिती लुम्बिनीको  आयोजनामा सामुहिक दरखाने तथा ईदुल फिक्र ईदको शुभकामना आदान प्रदान कार्यक्रम  कृषि बिकाश बैंक क्षेत्रिय कार्यालय भैरहवामा शुक्रबार  सम्पन्न भएको छ ।
सो अबसरमा बैंकका लुम्बिनी अञ्चलमा रहेका ३२ शाखाका महीला कर्मचारीहरूलाई क्षेत्रीय समितीले तिजका अबसरमा शुभकामना आदान प्रदान गर्ने र दरखाने कार्यक्रम का साथै मुस्लीम समुदायको जारी ईदुल फिक्र ईदको समेत शुभकामना एक आपसमा बाडीएको थियो । कार्यक्रममा प्रमुख अतिथी कृषि बिकाश बैंक क्षेत्रीय निर्देशक गणेश बहादुर पाण्डेले चेलि लगायत सम्पुर्णलाई शुभकामना दिंदै नँया कार्यक्रम ल्याएको र यस्लाई निरन्तरता दिंदै मैत्री सदभाव र एकता दरीलो पार्न आग्रह गर्नु भयो । सो अबसरमा  नेपाल बित्तिय सस्था कर्मचारी संघ क्षेत्रीय समितीका अध्यक्ष प्रेम नारायण पौडेल,पुर्ब कर्मचारी तिल कुमारी गुरूङ्ग,अब्दुल मजिद खाँ लगायतले तिज र ईदको महत्वका बारेमा चर्चा गर्नु भएको थियो ।
उषा रानाको स्वागत मन्तब्य ,अनुपमा नेपालको संचालन  र महीला शशक्तीकरण उप समिती संयोजक अनिता श्रेष्ठको सभापतित्वमा सम्पन्न कार्यक्रममा २०६६ सालको एसएलसी परीक्षामा उत्कृष्ट अंक प्राप्त गरी उत्तिर्ण हुने बैंकका कर्मचारीका छोरा छोरी मध्ये देश भरीमा प्रथम हुने आशिष खडका लाई  ७००० रूपैयाँ र सदिना देबकोटालाई ३०००  नेपाल बित्तिय सस्था कर्मचारी संघ पश्चिमाञ्चल क्षेत्रिय अध्यक्ष राजेश श्रीबास्तबले प्रदान गर्नु भएको थियो । दरखाने कार्यक्रममा ४० महीला सहीत  अन्य कर्मचारीको समेत उपस्थीती थियो । दरखाने कार्यक्रम संगै तिज गित गाएन र नृत्य समेत भएको थियो । तिज गितको शुभारम्भ ट्रेड युनियन कांग्रेस पश्चिमाञ्चल क्षेत्रिय सचिब मधुकर काफलेले गर्नु भएको थियो ।