बगदाद,भदौ १७/अमेरिकी सेनाले आफ्नो अभियान अन्त्य गर्दै स्वदेश फर्केपछि लामो समयदेखि द्वन्द्धमा फसेको इराकका प्रधानमन्त्रीले मुक्त भएको जनाएका छन् । राजधानी काबुलस्थित एक टेलिभिजनमार्फत सम्बोधनगर्दै प्रधानमन्त्री नुरी अल मल्लिकीले अव इराक स्वतन्त्र भएको बताए ।
अव, हरेक खतराहरूसँग आफ्नै सेना लड्ने बताउँदै प्रधानमन्त्री मल्लिकीले इराकी सेना शान्ति सुरक्षा तथा सबै जिम्मेवारी पूरा गर्न सक्षम रहेको बताएका छन् । उनले इराकी सेना आन्तरिक तथा बाहृय सबैखाले खतरासँग लड्न सक्षम रहेको पनि बताए ।
अघिल्लो दिन अगष्ट ३० मा इराकमा अमेरिकी सैन्य अभियान औपचारिक रूपमा अन्त्य भएपछि इराकी प्रधानमन्त्रीले यस्तो अभिव्यक्ति दिएका हुन् । यसै क्रममा इराकमा नै रहेका अमेरिकी उपप्रधानमन्त्री जो बाइडेनले भने कुनै प्रतिक्रिया दिएका छैनन् ।
यसैगरी अमेरिकी राष्ट्रपति बाराक ओबामाले इराकी जनताको रक्षाको लागि अमेरिकी सेनाले वलिदान गरेको बताएका छन् । साथै, इराकी जनताहरू अमेरिकी सेनाप्रति ऋणी हुनुपर्ने पनि उनको भनाइ छ ।
राष्ट्रपति ओबामाले मङ्गलबार इराकमा सात वर्ष लामो आफ्नो सैन्य अभियानको समाप्तिसँगै यस्तो बताएका हुन् । उनले अव इराकको सुरक्षा जिम्मा उसले आफैँ लिनुपर्ने पनि बताएका छन् ।
उनले यसअघि नै अगष्ट महिनाको सुरूमा नै अगष्ट महिनाभरीमा आफ्नो सैन्य अभियान अन्त्य गराउने घोषणा गरेका थिए । अमेरिकी प्रशासनले सात वर्षदेखि इराकमा कायम राखेको सैन्य अभियान अगष्ट ३० अर्थात मङ्गलबारको दिनदेखि औपचारिक रूपमा अन्त्य गरेको हो ।
यद्यपी, इराकी सेनाको सहयोग तथा तथा प्रशासनिक सहायतका लागि ५० हजार अमेरिकी सेना इराकमा सन् २०११ सम्म रहनेछन् ।

< Prev		Next >